Nirathanka Club House

For More Details

ನಿರಾತಂಕ ಬಳಗದ ಸಮಾನ ಮನಸ್ಕ ಗೆಳೆಯರು ಲೋಕಾಭಿರಾಮವಾಗಿ ತಿಂಗಳಿಗೊಮ್ಮೆ ಅನೌಪಚಾರಿಕವಾಗಿ ಭೇಟಿ ಮಾಡುವುದು ನಿರಾತಂಕ ಆರಂಭವಾದಾಗಿನಿಂದಲೂ ನಡೆದುಕೊಂಡು ಬಂದಿದೆ. ಈ ನಿಟ್ಟಿನಲ್ಲಿ ಕೆಲವೊಮ್ಮೆ ಪ್ರಮುಖ ಧ್ಯೇಯೋದ್ದೇಶಗಳನ್ನು ಇಟ್ಟುಕೊಂಡು ‘Nirathanka Club House’ ಎಂಬ ಹೆಸರು ನೀಡಿದ್ದೇವೆ. ನಿಮಗೂ ಆಸಕ್ತಿ ಇದ್ದರೆ, ಈ ಗುಂಪಿನ ಧ್ಯೇಯೋದ್ದೇಶಗಳನ್ನು ಓದಿ ಇಷ್ಟವಾದರೆ ಸದಸ್ಯರಾಗಬಹುದು.
​
ಈ ರೀತಿಯ ಗುಂಪಿನ ಒಡನಾಟದಲ್ಲಿದ್ದಾಗಲೇ ನಮಗೆ ಅನ್ಯರ ಬದುಕಿನ ಅನುಭವಗಳು ನಮಗೆ ದಕ್ಕುವುದು. ನಮ್ಮ ಬದುಕಿನ ಕೆಲವು ದಿಕ್ಕುಗಳು ಬದಲಾಗುವುದು. ನನಗೆ ಹಲವು ಸಂದರ್ಭಗಳಲ್ಲಿ ಹೊಸ ಆಲೋಚನೆಗಳು ಸಿಕ್ಕಿದ್ದು ಇಲ್ಲಿಂದಲೇ. ಉದಾ: ಮಾನವ ಸಂಪನ್ಮೂಲ ವೃತ್ತಿನಿರತರ ಕನ್ನಡ ಸಮ್ಮೇಳನ. ಈ ರೀತಿ ಸಮಾನ ಮನಸ್ಕ ಗೆಳೆಯರ ತಂಡದಲ್ಲಿ ಚರ್ಚೆಯಲ್ಲಿದ್ದಾಗ ಹುಟ್ಟಿದ ಒಂದು ಚಿಂತನೆ, ‘Leaders Talk’ ಎಂಬ ಪುಸ್ತಕವೂ ಅಷ್ಟೆ. ಹೀಗೆ ಉದಾಹರಿಸುತ್ತಾ ಹೋದರೆ ಹತ್ತು-ಹಲವು ಉದಾಹರಣೆಗಳನ್ನು ನೀಡಬಹುದು.

ಕರ್ನಾಟಕದ ಬೇರೆ ಭಾಗಗಳಲ್ಲಿ ತಂಡಗಳನ್ನು ರಚಿಸಿಕೊಳ್ಳಬೇಕೆಂದು ಬಯಸುವವರೂ ಸಹ ತಮ್ಮದೇ ತಂಡಗಳನ್ನು ಇತರೆ ಭಾಗಗಳಲ್ಲಿ ಕಟ್ಟಿಕೊಳ್ಳಲು ಬೇಕಾದ ನೆರವು ನೀಡಲು ನಿರಾತಂಕ ಸಿದ್ಧವಿದೆ.

ಮುಂದಿನ ದಿನಗಳಲ್ಲಿ ಹತ್ತು ಹಲವು ಹೊಸ ಚಿಂತನೆ ಆಲೋಚನೆಗಳು ಈ ಸಮಾನ ಮನಸ್ಕ ಗೆಳೆಯರ ತಂಡದಿಂದ ಹೊರಹೊಮ್ಮಲಿ ಎಂಬ ಸದಾಶಯವಷ್ಟೆ.
 
ರಮೇಶ ಎಂ.ಎಚ್.
ನಿರಾತಂಕ