ಆಡಿಯೋ/ವಿಡಿಯೋಗಳ ಪ್ರಸಾರ ಯೋಜನೆ

NISWASS ನ ಅಡಿಯಲ್ಲಿ ಸಮಾನ ಮನಸ್ಕರೆಲ್ಲರೂ ಸೇರಿ ಈ ಕೆಳಕಂಡ ಯೋಜನೆಗಳನ್ನು ಕಾರ್ಯರೂಪಕ್ಕೆ ತರಲು ನಿರ್ಧರಿಸಲಾಗಿದೆ.

1. ಸಮಾಜಕಾರ್ಯ, ಮಾನವ ಸಂಪನ್ಮೂಲ, ಮೆಡಿಕಲ್ ಅಂಡ್ ಸೈಕಿಯಾಟ್ರಿಕ್, ಪರ್ಸನಾಲಿಟಿ ಡೆವಲಪ್‍ಮೆಂಟ್, ಸೋಷಿಯಲ್ ಡೆವಲಪ್‍ಮೆಂಟ್ ಹಾಗೂ ಇತರೆ ಕ್ಷೇತ್ರಗಳಲ್ಲಿನ ಪರಿಣಿತರಿಂದ ಆಡಿಯೋ/ವಿಡಿಯೋಗಳ ಸಂದರ್ಶನ, ಪ್ರವಚನಗಳನ್ನು ಸಂಘಟಿಸಿ ನಮ್ಮ ವೆಬ್‍ ತಾಣದಲ್ಲಿ ಪ್ರಕಟಿಸುವುದು.
2. ತಿಂಗಳಿಗೊಮ್ಮೆ ನಮ್ಮಲ್ಲಿರುವ ಆಡಿಯೋ/ವಿಡಿಯೋಗಳನ್ನು ಆಸಕ್ತರಿಗೆ ಕೇಳಲು ಅವಕಾಶ ಮಾಡಿಕೊಡಲಾಗುವುದು.
3. ಆಡಿಯೋ/ವಿಡಿಯೋ ಮಾಡಲು ಸಹಕರಿಸುವ ಸಂಪನ್ಮೂಲ ವ್ಯಕ್ತಿಗಳ ತರಬೇತಿ ಕಾರ್ಯಕ್ರಮಗಳನ್ನು ಬೇರೆ ಬೇರೆ ಸಂಸ್ಥೆಗಳಲ್ಲಿ ಆಯೋಜಿಸುವುದು.
4. ಹಿರಿಯ ತರಬೇತುದಾರರಿಂದ (ಸಂಪನ್ಮೂಲ ವ್ಯಕ್ತಿಗಳಿಂದ) ನಮ್ಮ ಜೊತೆ ಸಹಕರಿಸಿದ ಕಿರಿಯರಿಗೆ ಮಾರ್ಗದರ್ಶನ ನೀಡಿ ಮುಂದಿನ ದಿನಗಳಲ್ಲಿ ಉತ್ತಮ ತರಬೇತುದಾರರಾಗಲು ಸಹಕರಿಸುವುದು.
5. ಆಡಿಯೋ/ವಿಡಿಯೋಗಳನ್ನು ವ್ಯಕ್ತಿ ಹಾಗೂ ಸಮಾಜಕಾರ್ಯ ಶಾಲೆ/ಸಂಸ್ಥೆಗಳಿಗೆ ತಲುಪಿಸುವ ಪ್ರಯತ್ನ ಮಾಡಲಾಗುವುದು.

​ಈ ರೀತಿ ಹಲವಾರು ಆಲೋಚನೆಗಳು ನಮ್ಮ ಮುಂದಿವೆ. ನೀವೂ ನಮ್ಮ ಜೊತೆ ಸಂಪನ್ಮೂಲ ವ್ಯಕ್ತಿಗಳಾಗಿ, ತರಬೇತಿದಾರರಾಗಿ ಹಾಗೂ ನಮ್ಮ ಸಂಸ್ಥೆಯ ಸಕ್ರಿಯ ಸ್ವಯಂ ಸೇವಕರಾಗಿ ಪಾಲ್ಗೊಳ್ಳಬಹುದು.

ಈಗಾಗಲೇ ವಿದೇಶದಲ್ಲಿರುವ ಹಲವಾರು ಸಮಾಜಕಾರ್ಯ ಕ್ಷೇತ್ರದ  ಹಿರಿಯರು ತಮ್ಮ ಆಡಿಯೋ/ವಿಡಿಯೋಗಳನ್ನು ನಮ್ಮ ತಂಡದೊಂದಿಗೆ ಹಂಚಿಕೊಳ್ಳಲು ಮುಂದೆ ಬಂದಿದ್ದಾರೆ. ಇದೊಂದು ಅತ್ಯುತ್ತಮ ಕಾರ್ಯಕ್ರಮವಾಗಿ ರೂಪುಗೊಳ್ಳಲು ಹಲವಾರು ಜನ ಕೈಜೋಡಿಸಲು ಸಿದ್ಧರಿದ್ದಾರೆ.

ಮುಂದಿನ ದಿನಗಳಲ್ಲಿ ಎನ್‍ಜಿಓ ಮ್ಯಾನೇಜ್‍ಮೆಂಟ್, ಕೌನ್ಸಿಲಿಂಗ್‍, ಮೆಡಿಕಲ್‍ ಅಂಡ್‍ ಸೈಕಿಯಾಟ್ರಿಕ್‍, ಡಿಸೇಬಲ್ಡ್‍, ಓಲ್ಡ್‍ ಏಜ್‍, ಹೆಚ್.ಆರ್., ಇನ್ನೂ ಹಲವಾರು ಕ್ಷೇತ್ರಗಳ ಕುರಿತು 3 ತಿಂಗಳ ಡಿಪ್ಲೋಮಾ ತರಗತಿಗಳನ್ನು ನಡೆಸಲು ಸಹ ಪ್ರಯತ್ನಿಸಲಾಗುವುದು. ಈ ತರಗತಿಗಳಲ್ಲಿ ನಾವು ತಯಾರಿಸಿದ ಆಡಿಯೋ/ವಿಡಿಯೋಗಳ ಸದುಪಯೋಗ ಮಾಡಿಕೊಳ್ಳುವ ಆಲೋಚನೆಯಲ್ಲಿದ್ದೇವೆ.

ನೀವೂ ನಮ್ಮ ಜೊತೆ ಕೈಜೋಡಿಸಿ ಈ ಕೆಳಕಂಡಂತೆ ಸಹಕರಿಸಬಹುದು.

1. ಸಂಪನ್ಮೂಲ ವ್ಯಕ್ತಿಗಳಾಗಿ ನಿಮ್ಮ ಪರಿಣತ ಕ್ಷೇತ್ರದಲ್ಲಿನ ಅನುಭವಗಳನ್ನು  ಆಡಿಯೋ/ವಿಡಿಯೋಗಳ ಮೂಲಕ ಹಂಚಿಕೊಳ್ಳಬಹುದು.
2. ಹಿರಿಯ ಸಂಪನ್ಮೂಲ ವ್ಯಕ್ತಿಗಳನ್ನು ಸಂದರ್ಶಿಸಬಹುದು.
3. ಬೇರೆ ಬೇರೆ ಸಂಸ್ಥೆಗಳಲ್ಲಿ ನಡೆಸಲು ಇಚ್ಛಿಸುವ ತರಬೇತಿ ಕಾರ್ಯಕ್ರಮಗಳಿಗೆ ಸಂಪನ್ಮೂಲ ವ್ಯಕ್ತಿಗಳಾಗಿ ಕೈಜೋಡಿಸಬಹುದು.
4. ತಿಂಗಳಿಗೊಮ್ಮೆ ನಾವು ನಡೆಸುವ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ನಮ್ಮಲ್ಲಿರುವ ಆಡಿಯೋ/ವಿಡಿಯೋಗಳ ಸದುಪಯೋಗ ಪಡೆದುಕೊಳ್ಳಬಹುದು.
5. ಹಿರಿಯ ತರಬೇತುದಾರರಿಂದ ತರಬೇತಿ ಪಡೆದು ಉತ್ತಮ ತರಬೇತುದಾರರಾಗಲು ಪ್ರಯತ್ನಿಸಬಹುದು.
6. ನಿಮ್ಮ ಸಲಹೆ ಸೂಚನೆಗಳನ್ನು ನಮಗೆ ನೀಡಿ ನಮ್ಮ ಕಾರ್ಯಗಳಿಗೆ ಪ್ರೋತ್ಸಾಹ ನೀಡಬಹುದು.

ಆಸಕ್ತರು/ಸಮಾನ ಮನಸ್ಕರೆಲ್ಲರೂ ಸೇರಿ ವಾರದಲ್ಲಿ ಮೊದಲನೇ ಭಾನುವಾರದಂದು ಬೆಳಿಗ್ಗೆ 10.00 ರಿಂದ 12.00 ರ ತನಕ ಸಭೆ ಸೇರಿ ಮುಂದಿನ ಕಾರ್ಯ ಯೋಜನೆಯನ್ನು ರೂಪಿಸಲಾಗುವುದು. ಆಸಕ್ತರು ಸಭೆಯಲ್ಲಿ ಪಾಲ್ಗೊಳ್ಳಬಹುದು. ಸಭೆ ಸೇರುವ ಸ್ಥಳ ನಿರಾತಂಕ ಕಚೇರಿ, ಬೆಂಗಳೂರು.
​
ಅನಿಸಿದ್ದನ್ನು ಪದಗಳಲ್ಲಿ ವ್ಯಕ್ತಪಡಿಸಲು ಕಷ್ಟಕರ. ಹಾಗಾಗಿ ನಿಮ್ಮ ಸಂದೇಹಗಳಿದ್ದಲ್ಲಿ ನಮಗೆ ಕರೆಮಾಡಿ ಹಾಗೂ ನಿಮ್ಮ ಸಲಹೆ ಸೂಚನೆಗಳನ್ನು ನಮಗೆ ಬರೆದು ಕಳುಹಿಸಿ.

ಈಗಾಗಲೇ ಕಣ್ಣಪ್ಪ ಶೆಟ್ಟಿ ಹಾಗೂ ಎಚ್.ಎಂ. ಮರುಳಸಿದ್ಧಯ್ಯರವರ ಸಂದರ್ಶನದ ಆಯ್ದ ಭಾಗಗಳನ್ನು ನಮ್ಮ ವೆಬ್‍ಸೈಟ್‍ನಲ್ಲಿ ಪ್ರಕಟಿಸಲಾಗಿದೆ.