Niruta Souharda Credit Co-Operative Limited

ನಿರುತ ಸೌಹಾರ್ದ ಕ್ರೆಡಿಟ್ ಕೋ ಆಪರೇಟಿವ್ ಲಿಮಿಟೆಡ್

ನೋಂದಣಿ: ಕ್ರಸಂ: ಎಆರ್-44/ಆರ್‍ಜಿಎನ್/23/3507/2014-15

ನಿರುತ ಸೌಹಾರ್ದ ಕ್ರೆಡಿಟ್ ಕೋ ಆಪರೇಟಿವ್ ಲಿಮಿಟೆಡ್, ನೋಂದಣಿ: ಕ್ರಸಂ: ಎಆರ್-44/ಆರ್‍ಜಿಎನ್/23/3507/2014-15, ದಿನಾಂಕ: 22-12-2014 ರಲ್ಲಿ ಪ್ರಾರಂಭವಾಗಿದ್ದು, ಸಂಸ್ಥೆಯು ಸ್ಥಳೀಯ ಜನ ಸಾಮಾನ್ಯರಿಗೆ ಆರ್ಥಿಕ ನೆರವು ನೀಡುವ ಸದುದ್ದೇಶದಿಂದ ಸ್ಥಾಪನೆಗೊಂಡಂತಹ ಸಂಸ್ಥೆಯಾಗಿದೆ. ನಮ್ಮ ಸಂಸ್ಥೆಯಲ್ಲಿ ಸಾಲ ಸೌಲಭ್ಯ, ಇ-ಸ್ಟಾಂಪ್, ಫಿಕ್ಸೆಡ್ ಡೆಪಾಸಿಟ್, ರಿಕರಿಂಗ್ ಡೆಪಾಸಿಟ್, ಈಜಿ಼ ಮನಿ ಹಾಗೂ ಇತರೆ ಸೌಲಭ್ಯಗಳು ಸದಸ್ಯರಿಗೆ ದೊರೆಯುತ್ತವೆ.

ಸಹಕಾರಿಯ ಸದಸ್ಯತ್ವ ಪಡೆಯಲು ಈ ಕೆಳಗಿನವರು ಅರ್ಹರಾಗಿರತಕ್ಕದ್ದು

ಸಹಕಾರಿಯ ಕಾರ್ಯಕ್ಷೇತ್ರದಲ್ಲಿ ನಿವಾಸಿಯಾಗಿರುವ ಅಥವಾ ಆ ಕಾರ್ಯಕ್ಷೇತ್ರದಲ್ಲಿ ವ್ಯಾಪಾರ ಅಥವಾ ಉದ್ಯಮದಲ್ಲಿ ತೊಡಗಿರುವ ಮತ್ತು ಸಹಕಾರಿಯ ಸೇವೆಗಳ ಅಗತ್ಯವಿರುವ ಭಾರತೀಯ ಒಪ್ಪಂದಕಾಯ್ದೆ 1872ರ ಕಲಂ 11ರ ಪ್ರಕಾರ ಕರಾರು ಮಾಡಿಕೊಳ್ಳಲು ಅರ್ಹನಿರುವ, 18ವರ್ಷ ತುಂಬಿದ, ದಿವಾಳಿಯಾಗಿರದ ಮತ್ತು ಸ್ವಸ್ಥಮನಸ್ಕನಾದ ವ್ಯಕ್ತಿ.
ಸಹಕಾರಿಯ ಕಾರ್ಯಕ್ಷೇತ್ರ ಯಲಹಂಕ, ಬ್ಯಾಟರಾಯನಪುರ, ಹೆಬ್ಬಾಳ, ಯಶವಂತಪುರ, ದಾಸರಹಳ್ಳಿ, ಮಹಾಲಕ್ಷ್ಮಿ ಲೇಔಟ್, ರಾಜಾಜಿನಗರ, ಗೋವಿಂದರಾಜನಗರ, ಮಲ್ಲೇಶ್ವರಂ, ರಾಜರಾಜೇಶ್ವರಿನಗರ ವಿಧಾನಸಭಾ ಕ್ಷೇತ್ರಗಳ ವ್ಯಾಪ್ತಿಯಲ್ಲಿನ ಬಿಬಿಎಂಪಿ ವಾರ್ಡ್ ಗಳ ಪ್ರದೇಶಗಳಿಗೆ ಮಾತ್ರ ಸೀಮಿತವಾಗಿರತಕ್ಕದ್ದು.
ಸದಸ್ಯರಾಗ ಬಯಸುವವರು ನಿಗದಿಪಡಿಸಿದ ಷೇರು ಶುಲ್ಕ ಮತ್ತು ಪ್ರವೇಶ ಶುಲ್ಕವನ್ನು ಹಾಗೂ ಕನಿಷ್ಠ ಒಂದು ಷೇರಿನ ಪೂರ್ಣ ಹಣವನ್ನು ಪಾವತಿ ಮಾಡಿ ಲಿಖಿತದಲ್ಲಿ ಅರ್ಜಿ ಸಲ್ಲಿಸತಕ್ಕದ್ದು.
ಮಂಡಳಿಯು ಸದಸ್ಯತ್ವ ಕೋರಿ ಬಂದಿರುವ ಯಾವುದೇ ಅರ್ಜಿಯನ್ನು ಅಂಗೀಕರಿಸುವ ಅಥವಾ ತಿರಸ್ಕರಿಸುವ ಅಧಿಕಾರ ಹೊಂದಿರತಕ್ಕದ್ದು. ಅರ್ಜಿ ಸ್ವೀಕೃತವಾದ ಅರವತ್ತು ದಿನಗಳೊಳಗೆ ಅಂತಹ ವ್ಯಕ್ತಿಗೆ ಮಂಡಳಿಯು ತನ್ನ ತೀರ್ಮಾನವನ್ನು ತಿಳಿಸತಕ್ಕದ್ದು.

ಅಗತ್ಯ ದಾಖಲೆಗಳು :
1. ಗುರುತಿನ ಚೀಟಿ (Aadhar Card, Voter Id, Driving Licence, Passport)
2. Pan Card (Mandatory)
3. 3 Photos

ಇ- ಸ್ಟಾಂಪಿಂಗ್

ಇ- ಸ್ಟಾಂಪಿಂಗ್ ಎಂದರೇನು?
ಇ-ಸ್ಟಾಂಪಿಂಗ್ ಎಂದರೆ ಕಂಪ್ಯೂಟರ್ ಅಪ್ಲಿಕೇಶನ್ ಆಧಾರಿಸಿ, ಸರ್ಕಾರಕ್ಕೆ ನ್ಯಾಯಿಕೇತರ (Non-Judicial) ತೆರಿಗೆ ಪಾವತಿಸುವ ಸುರಕ್ಷಿತ ಮಾರ್ಗ. ಇ-ಸ್ಟಾಂಪಿಂಗ್ ಸರ್ಟಿಫಿಕೇಟ್ ನಿಮಿಷಗಳಲ್ಲಿ ಸೃಷ್ಠಿಸಬಹುದು ಮತ್ತು ಈ ಸರ್ಟಿಫಿಕೇಟ್ ನಲ್ಲಿ ತಿದ್ದುಪಡಿಗೆ ಅವಕಾಶವಿರುವುದಿಲ್ಲ. ಇ-ಸ್ಟಾಂಪಿಂಗ್ ಸರ್ಟಿಫಿಕೇಟನ್ನು ಸತ್ಯಾಸತ್ಯತೆಗಳನ್ನು ವಿಚಾರಣಾ ಘಟಕದ ಮೂಲಕ ತಿಳಿಯಬಹುದು. ಇ-ಸ್ಟಾಂಪಿಂಗ್ ಸರ್ಟಿಫಿಕೇಟ್ ಒಂದು ವಿಶೇಷ ಗುರುತಿನ ಸಂಖ್ಯೆಯನ್ನು (UIN-Unique Identification Number) ಹೊಂದಿರುತ್ತದೆ. ಇದಕ್ಕೆ ಯಾವುದೇ ನಿರ್ದಿಷ್ಟ ವರ್ಗಗಳ ಮತ್ತು ಪಂಥಗಳ ವರ್ಗೀಕರಣದ ಅಗತ್ಯವಿಲ್ಲ.

ಇ-ಸ್ಟಾಂಪಿಂಗ್ ವ್ಯವಸ್ಥೆಯ ಉದ್ದೇಶ ಹಾಗೂ ಅನುಕೂಲತೆಗಳು

ಸ್ಟಾಂಪ್ ಪೇಪರ್ ಮಾರಾಟದ ಅವ್ಯವಹಾರ ತಡೆಗಟ್ಟುವುದು.
“ಇ” ಸ್ಟಾಂಪ್ ಮಾರಾಟದ ಮೂಲಕ ಸರ್ಕಾರಕ್ಕೆ ಸಂದಾಯವಾಗುವ ಕಂದಾಯದಲ್ಲಿನ ಸೋರಿಕೆಯನ್ನು ತಡೆಗಟ್ಟುವುದು.
ಉತ್ತಮ ಕಂದಾಯ ಸಂಗ್ರಹದ ವ್ಯವಸ್ಥೆಯ ನಿರ್ಮಾಣ ಮಾಡುವುದು.
ಎಲ್ಲ ಮಾಹಿತಿಯನ್ನು ಎಲೆಕ್ಟ್ರಾನಿಕ್ ಮಾಧ್ಯಮದ ಮೂಲಕ ವ್ಯವಸ್ಥಿತವಾಗಿ ಸಂಗ್ರಹ ಮಾಡುವುದು.
ಮಾಹಿತಿ ಸಂಗ್ರಹಣ ಹಾಗೂ ಬಳಕೆಯಲ್ಲಿ ಆಧುನಿಕತೆ.
ಕನಿಷ್ಟ ಯಂತ್ರಗಳ ಬಳಕೆ ಹೆಚ್ಚು ವ್ಯವಸ್ಥಿತ ಕಾರ್ಯಾಚರಣೆ.
24/7 ಸೇವೆಗಳು ಲಭ್ಯವಾಗುವಂತಹ ಅಂತರ್ಜಾಲದ ವ್ಯವಸ್ಥೆ.
ನೋಂದಣಿ ಮಾಡುವ ಅಧಿಕಾರಿಗಳು ಸದರಿ ಕ್ರಮ ಸಂಖ್ಯೆಯನ್ನು ಲಾಕ್ ಮಾಡುವ ವ್ಯವಸ್ಥೆಯಿರುವುದರಿಂದ ಬೇರೆಯವರು ಈ ಕ್ರಮ ಸಂಖ್ಯೆಯನ್ನು ಉಪಯೋಗಿಸಲು ಅವಕಾಶವಿರುವುದಿಲ್ಲ.
“2ಡಿ” ಬಾರ್ ಕೋಡ್ ಇರುವುದರಿಂದ ದುರುಪಯೋಗವಾಗುವ ಅವಕಾಶವಿರುವುದಿಲ್ಲ.
“ಇ” ಸ್ಟಾಂಪಿಂಗ್ ಮಾಡುವ ಕಾಗದವನ್ನು ನಕಲು ಮಾಡಲು ಬರುವುದಿಲ್ಲ ಅಥವಾ ದುರ್ಬಳಕೆ ಮಾಡಲು ಅವಕಾಶವಿರುವುದಿಲ್ಲ.
ಇ ಸ್ಟಾಂಪ್ ಕಮಿಷನ್ ರೂ.1 ರಿಂದ ರೂ.100 ರವರೆಗೆ ರೂ.10/- ಇರುತ್ತದೆ ಮತ್ತು ರೂ.101 ರಿಂದ ರೂ.1000/- ರರೊಳಗೆ ಇರುವ ಇ-ಸ್ಟಾಂಪ್ ಗಳಿಗೆ ರೂ.20/- ಕಮಿಷನ್ ಇರುತ್ತದೆ.

ಈಜಿ ಮನಿ (Easy Money)

ಈಜಿ ಮನಿ - ಆರ್ಥಿಕ ಕ್ಷೇತ್ರದ
ವಿನೂತನ ಯೋಜನೆಯ ಲಾಭ ಪಡೆಯ ಬನ್ನಿ.....
ಸ್ವತಂತ್ರ್ಯ * ಸವಲತ್ತು * ಸುರಕ್ಷತೆ * ಸುಲಾಭ

ಈಜಿ ಮನಿ - ಒಂದು ವಿಶಿಷ್ಟ ಹಣಕಾಸು ಯೋಜನೆಯಾಗಿದ್ದು ಗ್ರಾಹಕರಿಗೆ ಎಲ್ಲ ಹಂತದಲ್ಲೂ ಸಂಪೂರ್ಣ ಸ್ವಾತಂತ್ರ್ಯ ನೀಡುವುದಲ್ಲದೆ ಮಾರುಕಟ್ಟೆ ದರದ ಏರಿಳಿತಗಳ ಸೌಲಭ್ಯ ಪಡೆಯುವ ಹಾಗೂ ನಿರ್ದಿಷ್ಟ ಬಡ್ಡಿ ದರದ ರಕ್ಷಣೆಯನ್ನು ನೀಡುತ್ತದೆ. ಇದನ್ನು ನೀವು ಚೀಟಿ ಎನ್ನಿ, R.D ಎನ್ನಿ ಅಥವಾ O.D ಎನ್ನಿ, ಆದರೆ ಈಜಿ ಮನಿ ಇದಾವುದೂ ಅಲ್ಲ, ಅದಕ್ಕಿಂತ ಹೆಚ್ಚಿನ ಸೌಲಭ್ಯ ನೀಡುವ ವಿಶಿಷ್ಟ ಯೋಜನೆ.

ಇದು ಒಂದು ಮುಕ್ತ ಅವಕಾಶಗಳ (Open Ended) ಯೋಜನೆಯಾಗಿದೆ. ಯಾವುದೇ ಸದಸ್ಯ ತನ್ನ ಉಳಿತಾಯದ ಅವಧಿಯನ್ನು ತಾನೇ ನಿರ್ಧರಿಸಿಕೊಳ್ಳಬಹುದು.
ಯಾವುದೇ ತಿಂಗಳು ಸೇರಬಹುದು, ಯಾವುದೇ ತಿಂಗಳು ಖಾತೆಯನ್ನು ಮುಕ್ತಾಯ (A/C Close) ಮಾಡಬಹುದು.

ಉಳಿತಾಯ:

ನಿಮ್ಮ ಪ್ರತಿ ತಿಂಗಳ ಉಳಿತಾಯದ ಗುರಿಯನ್ನು ಹಾಗೂ ಎಷ್ಟು ತಿಂಗಳು ಉಳಿತಾಯ ಮಾಡುತ್ತೀರಿ ಎನ್ನುವುದನ್ನು ನಿರ್ಧರಿಸಿ, ಇದನ್ನು ಸಹಕಾರಿಯ ಅಧಿಕಾರಿಗಳು ಪರಿಶೀಲಿಸಿ ದೃಢಪಡಿಸುತ್ತಾರೆ.
ಕನಿಷ್ಠ ಮೊತ್ತ ಪ್ರತಿ ತಿಂಗಳು ರೂ. 1000/- ಮತ್ತು ಗರಿಷ್ಠ ಮೊತ್ತ ಪ್ರತಿ ತಿಂಗಳು ರೂ.10000/- (ಆಯೋಜಿಸುವ ಸಂಸ್ಥೆ ನಿರ್ಧರಿಸಬಹುದು)
ಕನಿಷ್ಠ ತಿಂಗಳುಗಳು-10, ಗರಿಷ್ಠ ತಿಂಗಳುಗಳು-20
ಪ್ರತಿ ತಿಂಗಳು ನೀವು ನಿಗದಿತ ದಿನಾಂಕದೊಳಗೆ ನಿಮ್ಮ ಟಾರ್ಗೆಟ್ ಹಣವನ್ನು ನಿಗದಿತ ಖಾತೆಗೆ ತುಂಬಬೇಕು. ಈ ಖಾತೆಗೆ ನಿಮ್ಮ S/B ಅಥವಾ C/B ನಿಂದಲೂ ಹಣ ವರ್ಗಾವಣೆಗೆ ಸಹಕಾರಿಗೆ ಸೂಚನೆ ನೀಡಬಹುದು.
ನಿಗದಿತ ದಿನಾಂಕದೊಳಗೆ ಹಣ ಪಾವತಿಸದಿದ್ದಲ್ಲಿ 2% ಮಾಸಿಕ ದಂಡದ ಬಡ್ಡಿಯೊಂದಿಗೆ 15 ದಿನದೊಳಗೆ ಹಣ ಪಾವತಿಸುವ ಸೌಲಭ್ಯವಿದೆ.
ನಿಗದಿತ ದಿನಾಂಕದೊಳಗೆ ಹಣ ಪಾವತಿಸದಿದ್ದಲ್ಲಿ ಆ ಹಣವು ಆ ತಿಂಗಳ ಟೆಂಡರ್ ಹಣದಲ್ಲಿ ಸೇರ್ಪಡೆಯಾಗುವುದಿಲ್ಲ ಮತ್ತು ಆ ಹಣಕ್ಕೆ ಆ ತಿಂಗಳ ಬೋನಸ್ ಕೂಡ ದೊರಕುವುದಿಲ್ಲ.

ಸಾಲ :

ಮೊದಲನೆ ಕಂತು ಸಹಕಾರಿಯಲ್ಲಿ ಬಡ್ಡಿ ರಹಿತ ಠೇವಣಿಯಾಗಿರುತ್ತದೆ.
3ನೇ ತಿಂಗಳ ಉಳಿತಾಯದ ನಂತರ ನೀವು ಯೋಜನೆಯಲ್ಲಿ ಸಾಲ ಪಡೆಯಲು ಅರ್ಹರು.
ನಿಮ್ಮ ಒಟ್ಟು ಉಳಿತಾಯದ ಗುರಿಯಷ್ಟು ಅಥವಾ ಅದಕ್ಕಿಂತ ಕಡಿಮೆ ಸಾಲಕ್ಕಾಗಿ ನೀವು ಟೆಂಡರ್ನಲ್ಲಿ ಪಾಲ್ಗೊಳ್ಳಬಹುದು.
ನಿಮ್ಮ ಉಳಿತಾಯದ ಗುರಿಗಿಂತ ಕಡಿಮೆ ಸಾಲಕ್ಕೆ ಟೆಂಡರ್ನಲ್ಲಿ ಪಾಲ್ಗೊಂಡಿದ್ದಲ್ಲಿ ವ್ಯತ್ಯಾಸದ ಮೊತ್ತಕ್ಕೆ ಮತ್ತೊಮ್ಮೆ ಟೆಂಡರ್ನಲ್ಲಿ ಪಾಲ್ಗೊಳ್ಳಬಹುದು. (ಬ್ಯಾಂಕಿನ O.D ಯಂತೆ ಆದರೆ ಗರಿಷ್ಟ 3 ಬಾರಿ)
ನಿಮ್ಮ ಸಾಲದ ಬಡ್ಡಿದರವನ್ನು ಟೆಂಡರ್ನಲ್ಲಿ ಪಾಲ್ಗೊಳ್ಳುವ ಮೂಲಕ ನೀವೇ ನಿರ್ಧರಿಸಿಕೊಳ್ಳಬಹುದು.
ಪೂರ್ವ ನಿಗದಿತ 15% ಬಡ್ಡಿ ಇರುತ್ತದೆ. ನೀವು ಟೆಂಡರ್ನಲ್ಲಿ ಅದಕ್ಕಿಂತ ಹೆಚ್ಚು ಎಷ್ಟು ಬಡ್ಡಿ ನೀಡುವಿರಿ ಎಂದು ಬರೆಯಬೇಕಾಗುತ್ತದೆ.

ಉದಾಹರಣೆ: 1. 15%+10%=25%
2. 15%+7%=22%

ಕನಿಷ್ಠ ಪೂರ್ವ ನಿಗದಿತ ಬಡ್ಡಿದರ - 15%
ಗರಿಷ್ಠ ಟೆಂಡರ್ನಲ್ಲಿ ನಮೂದಿಸಬಹುದಾದ ಬಡ್ಡಿದರ-15%

ಟೆಂಡರ್ :

ಪ್ರತಿ ತಿಂಗಳು 15ನೇ ತಾರೀಕು (ಅಂದು ಸಹಕಾರಿಯ ರಜಾ ದಿನವಾಗಿದ್ದಲ್ಲಿ ಮರುದಿನ) ಸಂಜೆ 6 ಘಂಟೆಗೆ ಟೆಂಡರ್ ಪ್ರಕ್ರಿಯೆ ಸಹಕಾರಿಯ ಶಾಖೆಯಲ್ಲಿ ನಡೆಯುತ್ತದೆ.
ಪೂರ್ವ ಟೆಂಡರ್ನಲ್ಲಿ ಪಾಲ್ಗೊಳ್ಳಲು ಎಲ್ಲ ಸದಸ್ಯರಿಗೆ ಅನುಕೂಲವಾಗುವಂತೆ ಸಹಕಾರಿಯು ಶಾಖೆಯಲ್ಲಿ ಸೀಲ್ ಮಾಡಿದ ಟೆಂಡರ್ ಬಾಕ್ಸ್ ಅನ್ನು ಇಡಿಸಲಾಗಿರುತ್ತದೆ.
ಒಬ್ಬ ಸದಸ್ಯ ಗರಿಷ್ಠ 3 ಟೆಂಡರ್ ಸ್ಲಿಪ್ ಸಲ್ಲಿಸಬಹುದು. ಇದರಲ್ಲಿ ಗರಿಷ್ಠ ಬಡ್ಡಿದರದ ಟೆಂಡರ್ ಸ್ಲಿಪ್ ಅನ್ನು ಮಾತ್ರ ಪರಿಗಣಿಸಲಾಗುತ್ತದೆ. ಇದರಿಂದ ಟೆಂಡರ್ ತೆರೆಯುವ ಮುನ್ನ ಬಡ್ಡಿದರ ಪರಿಷ್ಕರಿಸಿಕೊಳ್ಳುವ ಸೌಲಭ್ಯ ಸದಸ್ಯನಿಗೆ ದೊರೆಯುತ್ತದೆ.
ಮುದ್ರಿತ ಟೆಂಡರ್ ಸ್ಲಿಪ್ ಅನ್ನು ಮಾತ್ರ ಬಳಸಬೇಕು ಮತ್ತು ಅದರಲ್ಲಿ ಸದಸ್ಯನ ಹೆಸರು ಖಾತೆಯ ಸಂಖ್ಯೆ, ಸಾಲದ ಮೊತ್ತ ಹಾಗೂ ಪೂರ್ವ ನಿರ್ಧರಿತ 15 ಕ್ಕಿಂತ ಹೆಚ್ಚಿನ ಎಷ್ಟು ಬಡ್ಡಿದರ ನೀಡುವಿರಿ ಎನ್ನುವುದನ್ನು ನಮೂದಿಸಿರಬೇಕು. ಅಪೂರ್ಣ ಟೆಂಡರ್ ಸ್ಲಿಪ್ಗಳನ್ನು ಪರಿಗಣಿಸುವುದಿಲ್ಲ.

ಟೆಂಡರ್ ಅವಾರ್ಡ್

ಈಜಿ ಮನಿ ಯೋಜನೆಯಲ್ಲಿ ಆಯಾ ತಿಂಗಳು ಸಂಗ್ರಹಗೊಂಡ ಒಟ್ಟು ಹಣವನ್ನು ಟೆಂಡರಿಗೆ ಇಡಲಾಗಿರುತ್ತದೆ.
ಯಾರು 15+ ಹೆಚ್ಚು ಆಫರ್ ಮನಿಯನ್ನು ನಮೂದಿಸಿರುತ್ತಾರೋ ಅವರಿಗೆ ಮೊದಲ ಟೆಂಡರ್ ಅವಾರ್ಡ್ ಆಗುತ್ತದೆ. ನಂತರ ಅದಕ್ಕಿಂತ ಕಡಿಮೆ ಆಫರ್ ಮನಿ ನಮೂದಿಸಿದವರಿಗೆ ನೀಡಲಾಗುತ್ತದೆ. ಹೀಗೆ ಟೆಂಡರಿಗೆ ಇಟ್ಟ ಹಣದ ಮೊತ್ತದವರೆಗೆ ಟೆಂಡರ್ ಅವಾರ್ಡ್ ಮಾಡಲಾಗುತ್ತದೆ. (ಸಾಲ ನೀಡಲಾಗುತ್ತದೆ) ಅಂದರೆ ಒಂದೆ ಟೆಂಡರಿನಲ್ಲಿ ಒಬ್ಬರಿಗಿಂತ ಹೆಚ್ಚು 5, 6 ಅಥವಾ 7 ಜನ ಸಾಲ ಪಡೆಯುವ ಅವಕಾಶ.
ಭಾಗಶಃ ಹೆಚ್ಚುವರಿ ಹಾಗೂ ಟೆಂಡರ್ನಲ್ಲಿ ಉಳಿಯುವ ಹೆಚ್ಚುವರಿ ಹಣವನ್ನು ಮುಂದಿನ ತಿಂಗಳ ಟೆಂಡರ್ಗೆ ವರ್ಗಾಯಿಸಲಾಗುವುದಿಲ್ಲ. ಈ ಮೊತ್ತವನ್ನು ಕಾಯ್ದಿಟ್ಟ ನಿಧಿಗೆ (Reserve Fund) ವರ್ಗಾಯಿಸಲಾಗುವುದು.
ಒಂದೆ ಆಫರ್ ಮನೆ ನಮೂದಿಸಿದ ಒಂದಕ್ಕಿಂತ ಹೆಚ್ಚು ಟೆಂಡರ್ ಸ್ಲಿಪ್ಗಳಿದ್ದಲ್ಲಿ (ಟೈ ಆದಲ್ಲಿ) ಅಂತಹ ಸದಸ್ಯರಲ್ಲಿ ಯಾರ ಉಳಿತಾಯದ ಮೊತ್ತ ಅವರ ಟೆಂಡರ್ ಮೊತ್ತದ ಅನುಪಾತಕ್ಕೆ ಹೆಚ್ಚಾಗಿರುತ್ತದೋ ಅವರಿಗೆ ನೀಡಲಾಗುತ್ತದೆ (ಉದಾಹರಣಿಗೆ - ಸಾಲದ ಟೆಂಡರ್ ಮೊತ್ತ 1 ಲಕ್ಷ ಎ ಸದಸ್ಯನ ಉಳಿತಾಯ 10,000 ಬಿ ಸದಸ್ಯನ ಉಳಿತಾಯ 15,000 ಇದ್ದಲ್ಲಿ ಬಿ ಸದಸ್ಯನಿಗೆ ಟೆಂಡರ್ ಅವಾರ್ಡ್ ಮಾಡಲಾಗುತ್ತದೆ. ಸಾಲದ ಟೆಂಡರ್ ಮೊತ್ತ ವ್ಯತ್ಯಾಸವಿದ್ದಲ್ಲಿ ಉಳಿತಾಯದ ಶೇಕಡಾವಾರು ಪರಿಗಣಿಸಲಾಗುತ್ತದೆ. ಎರಡೂ ಒಂದೆ ಇದ್ದಲ್ಲಿ ಲಾಟರಿ ಮೂಲಕ ಟೆಂಡರ್ ಅವಾರ್ಡ್ ಮಾಡಲಾಗುತ್ತದೆ.)

ಬೋನಸ್

ಪೂರ್ವ ನಿಗದಿತ 15 ಮತ್ತು ಹೆಚ್ಚು ನಮೂದಿಸಿದ ಬಡ್ಡಿದರವನ್ನು ಮೂಲದಲ್ಲಿಯೇ ಕಡಿತಗೊಳಿಸಿ (Up Front Deduction) ಉಳಿದ ಹಣವನ್ನು ಸಹಕಾರಿಯ ನಿಯಮಗಳಿಗೆ ಒಳಪಟ್ಟು ಸಾಲವಾಗಿ ನೀಡಲಾಗುತ್ತದೆ.
: ನಿಮ್ಮ ಉಳಿತಾಯದ ಗುರಿ 1 ಲಕ್ಷ ಹಾಗೂ ನೀವು ಟೆಂಡರ್ನಲ್ಲಿ ಸಾಲಕ್ಕೆ ಪಾಲ್ಗೊಂಡ ಮೊತ್ತ 1 ಲಕ್ಷ ಇದ್ದಲ್ಲಿ ನೀವು ಬರೆದ 15+6 ಬಡ್ಡಿ ದರಕ್ಕೆ (ಒಟ್ಟು ಬಡ್ಡಿದರ 21) ಟೆಂಡರಿನಲ್ಲಿ ಸಾಲ ಸಿಕ್ಕಿದ್ದಲ್ಲಿ ನಿಮಗೆ 21,000 ಕಡಿತಗೊಳಿಸಿ 79,000 ನೀಡಲಾಗುತ್ತದೆ.
ಪೂರ್ವ ಈ ರೀತಿ ಮೂಲದಲ್ಲಿ ಕಡಿತಗೊಳಿಸಿದ (One Time) ಬಡ್ಡಿ ದರದಲ್ಲಿ ಸಹಕಾರಿಯು ಶುಲ್ಕ 5%ನ್ನು ಕಳೆದು ಉಳಿದ ಒಟ್ಟು ಹಣವನ್ನು ಟೆಂಡರ್ನಲ್ಲಿ ಪಾಲ್ಗೊಂಡ ಹಣಕ್ಕೆ ಪ್ರತಿ 100ಕ್ಕೆ ಬೋನಸ್ ಎಂದು ನೀಡಲಾಗುತ್ತದೆ. ಉದಾಹರಣೆ: ಬೋನಸ್ಗೆ ಇರುವ ಹಣ ರೂ.10,60,000/- ಟೆಂಡರ್ಗೆ ಇಟ್ಟ ಒಟ್ಟು ಹಣ ರೂ.50,00,000/-

ಬೋನಸ್ ಗೆ ಇರುವ ಹಣ *100 = ರೂ.10,60,000/-*100=21.2%
ಟೆಂಡರ್ ಗೆ ಇಟ್ಟ ಒಟ್ಟು ಹಣ ರೂ.50,00,000

ಪ್ರತಿ ರೂ.100ಕ್ಕೆ ಬೋನಸ್ ರೂ.21.20 ಅಂದರೆ, ನಿಮ್ಮ ಆ ತಿಂಗಳ ಉಳಿತಾಯದ ಹಣ ರೂ. 1000 ವಿದ್ದಲ್ಲಿ ನಿಮ್ಮ ಬೋನಸ್ ರೂ.212

ಸಾಲದ ಬಿಡುಗಡೆ-ಮರು ಪಾವತಿ

ಟೆಂಡರ್ನಲ್ಲಿ ಯಶಸ್ವಿಯಾದ ನಂತರ ಶಾಖಾ ವ್ಯವಸ್ಥಾಪಕರು ನಿಮ್ಮಿಂದ ಸಾಲ ಬಿಡುಗಡೆ ಅರ್ಜಿ ತೆಗೆದುಕೊಳ್ಳುತ್ತಾರೆ.
ನೀವು ಸಹಕಾರಿಯ ಷರತ್ತುಗಳನ್ನು ಪೂರ್ಣಗೊಳಿಸಿದ ತಕ್ಷಣ ನಿಮಗೆ ಸಾಲದ ಹಣ ಬಿಡುಗಡೆ ಆಗುತ್ತದೆ. ಮತ್ತೆ ಪ್ರತ್ಯೇಕ ಮಂಜೂರಾತಿ ಪ್ರಕ್ರಿಯೆ ಇರುವುದಿಲ್ಲ.
ಸಾಲದ ಭದ್ರತೆ ನಿಯಮಗಳು ಸಹಕಾರಿಯ ನಿಯಮಗಳಿಗೆ ಅನುಸಾರವಾಗಿ ಇರುತ್ತವೆ.
ಡಾಕ್ಯುಮೆಂಟೇಶನ್ ಶುಲ್ಕ (Documentation Charges)

1)   ರೂ.100/- : ರೂ.50,000/- ವರೆಗಿನ ಸಾಲದ ಮೊತ್ತಕ್ಕೆ
2)   ರೂ.150/- : ರೂ.50,001/- ರಿಂದ ರೂ. 1,00,000/- ಮೊತ್ತಕ್ಕೆ
3)   ರೂ.250/- : ರೂ.1,00,001/- ರಿಂದ ರೂ. 5,00,000/- ಮೊತ್ತಕ್ಕೆ
4)   ರೂ.500/- : ರೂ.5,00,000/- ಕ್ಕೆ ಮೇಲ್ಪಟ್ಟ ಸಾಲದ ಮೊತ್ತಕ್ಕೆ

ಸಾಲದ ಭದ್ರತೆ ಈ ಕೆಳಗಿನಿಂತಿರುತ್ತದೆ.

ನಿಮ್ಮ ಸಾಲದ ಮೊತ್ತದಲ್ಲಿ - ನಿಮ್ಮ ಉಳಿತಾಯದ ಹಣ ಕಳೆದ ನಂತರ ಬರುವ ಮೊತ್ತಕ್ಕೆ ಭದ್ರತೆ ಒದಗಿಸಬೇಕು.
1.   ರೂ.25,000/-ದವರೆಗೆ ಒಬ್ಬ ಯೋಗ್ಯ ಜಾಮೀನುದಾರ
2.   ರೂ.50,000/- ದವರೆಗೆ ಇಬ್ಬರು ಯೋಗ್ಯ ಜಾಮೀನುದಾರರು ಹಾಗೂ ನಿದರ್ೇಶಕ ಮಂಡಳಿಯ ಅನುಮತಿ
3.   ರೂ.50,000/- ಮೇಲ್ಪಟ್ಟ ಸಾಲಕ್ಕೆ ಯೋಗ್ಯ ಸ್ಥಿರಾಸ್ತಿ ಅಡವಿಡಬೇಕು ಹಾಗೂ ಇಬ್ಬರು ಯೋಗ್ಯ ಜಾಮೀನುದಾರರು ಹಾಗೂ ನಿರ್ದೇಶಕ ಮಂಡಳಿಯ ಅನುಮತಿ.
ಸಾಲ ಬಿಡುಗಡೆ ನಂತರವೂ ನೀವು ನಿಮ್ಮ ಉಳಿತಾಯದ ಹಣ (Target Money)ವನ್ನು ನಿಗದಿತ ದಿನಾಂಕದೊಳಗೆ ಖಡ್ಡಾಯವಾಗಿ ಕಟ್ಟಲೇಬೇಕು
ನೀವು ನಿಗದಿತ ದಿನಾಂಕದೊಳಗೆ ಕಟ್ಟುವ ಉಳಿತಾಯದ ಹಣಕ್ಕೆ ಬೋನಸ್ ಬರುತ್ತದೆ.
ಈ ಯೋಜನೆಯಲ್ಲಿ ನಿಮ್ಮ ಖಡ್ಡಾಯ ಉಳಿತಾಯ ಖಾತೆಯ ಮೊತ್ತ ಸಾಲದ ಮೊತ್ತಕ್ಕೆ ಸರಿಸಮವಾದಾಗ ನಿಮ್ಮ ಸಾಲದ ಖಾತೆಯನ್ನು ಮುಕ್ತಾಯ (A/C) ಗೊಳಿಸಲಾಗುತ್ತದೆ.
ನೀವು ಸಾಲ ನಂತರ ನಿರ್ದಿಷ್ಠ ಉಳಿತಾಯ ಹಣ (Target Money) ಕಟ್ಟುವಲ್ಲಿ 30 ದಿನಕ್ಕಿಂತ ಹೆಚ್ಚಿಗೆ ವಿಳಂಬವಾದಲ್ಲಿ ವಾರ್ಷಿಕ 3% ರಷ್ಟು ದಂಡದ ಬಡ್ಡಿ ದರದೊಂದಿಗೆ, ಸಂಪೂರ್ಣ ಸಾಲದ ವಸೂಲಾತಿಗೆ ಸಹಕಾರಿಯು ಕಾನೂನು ಕ್ರಮ ಜರುಗಿಸುತ್ತದೆ.
ನಿಮ್ಮ ಹಾಗೂ ನಿಮ್ಮ ಜಾಮೀನುದಾರರ ಠೇವಣಿ/ಉಳಿತಾಯ ಖಾತೆಗಳ ಮರುಪಾವತಿ ತಡೆಹಿಡಿದು ನಿಮ್ಮ ಸಾಲಕ್ಕೆ ಹೊಂದಾಣಿಕೆ ಮಾಡಿಕೊಳ್ಳುವ ಸ್ವಾತಂತ್ರ ಸಹಕಾರಿಗೆ ಇರುತ್ತದೆ.

ನಿರ್ಗಮನ ವಿಧಾನ
ಈ ಯೋಜನೆಯನ್ನು ಭಾಗಶಃ ಉಪಯೋಗಿಸಿಕೊಳ್ಳುವ ಅಥವಾ ಅವಧಿ ಪೂರ್ವ ಮುಕ್ತಾಯಗೊಳಿಸಿ ಉಳಿತಾಯದ ಹಣ ಹಿಂದಕ್ಕೆ ಪಡೆಯುವ ಸಂಪೂರ್ಣ ಸ್ವಾತಂತ್ರ್ಯ ಸದಸ್ಯರಿಗೆ ಇದೆ.
ಇಂತಹ ಸಂದರ್ಭದಲ್ಲಿ ಈ ಕೆಳಗಿನ ನಿಯಮಗಳು ಅನ್ವಯಿಸುತ್ತವೆ;
1. ಕೇವಲ ಉಳಿತಾಯಕ್ಕೆ (RD) ಬಳಸಿದಾಗ ಹಾಗೂ ಅವಧಿ ಪೂರ್ವ ಮುಕ್ತಾಯಗೊಳಿಸಿದಾಗ:
- ಸಹಕಾರಿ ನಿಗದಿ ಪಡಿಸಿದ ಬಡ್ಡಿ ದರ (8% ವಾರ್ಷಿಕ) ಮಾತ್ರ ನೀಡಲಾಗುವುದು. (ಬೋನಸ್ ನೀಡಲಾಗುವುದಿಲ್ಲ)
2. ಸಾಲ ಪಡೆಯಲು ಟೆಂಡರ್ನಲ್ಲಿ ಪಾಲ್ಗೊಂಡಾಗ:
- ಇಂಥ ಸದಸ್ಯರು ತಮ್ಮ ಮಾಸಿಕ ಉಳಿತಾಯಕ್ಕೆ ಟೆಂಡರ್ನಲ್ಲಿ ಘೋಷಣೆಯಾದ ಬೋನಸ್ ಪಡೆಯಲು ಅರ್ಹರು.
3. ಸಾಲಕ್ಕೆ ಟೆಂಡರ್ನಲ್ಲಿ ಪಾಲ್ಗೊಳ್ಳದ ಆದರೆ ಅವಧಿ ಪೂರ್ಣಗೊಳಿಸಿದ ಸದಸ್ಯರಿಗೆ:
- ಇಂಥ ಸದಸ್ಯರು ತಮ್ಮ ಮಾಸಿಕ ಉಳಿತಾಯಕ್ಕೆ ಟೆಂಡರ್ನಲ್ಲಿ ಘೋಷಣೆಯಾದ ಬೋನಸ್ ಪಡೆಯಲು ಅರ್ಹರು.
ಆದರೆ ಖಾತೆಯನ್ನು ಮುಕ್ತಾಯಗೊಳಿಸುವಾಗ ಉಳಿತಾಯದ ಮೊತ್ತ (ತಿಂಗಳ ಉಳಿತಾಯ+ಬೋನಸ್)ಕ್ಕೆ ಶೇ. 3 ರಷ್ಟನ್ನು ಸೇವಾ ಶುಲ್ಕವಾಗಿ ಕಡಿತಗೊಳಿಸಿ ನೀಡಲಾಗುವುದು.
ವಿಶೇಷ ಸೂಚನೆ: ಯಾವುದೇ ಸದಸ್ಯರು ತಮ್ಮ ನಿಯಮಿತ ಅವಧಿಗಿಂತ ಮೊದಲೆ ಸದಸ್ಯತ್ವ ಹಿಂಪಡೆದಲ್ಲಿ ಅವರಿಗೆ ಅಥವಾ ಅವರ ಕುಟುಂಬದ ಸದಸ್ಯರಿಗೆ ಮುಂದಿನ 12 ತಿಂಗಳವರೆಗೆ ಈಜಿ ಮನಿ ಯೋಜನೆಯಲ್ಲಿ ಸದಸ್ಯರಾಗಲು ಅವಕಾಶ ಇರುವುದಿಲ್ಲ.

ಹೊಸ ಸದಸ್ಯತ್ವ

ಈ ಯೋಜನೆಯಲ್ಲಿ ನಿಮ್ಮ ವಹಿವಾಟು ಚೆನ್ನಾಗಿದ್ದಲ್ಲಿ ಮತ್ತೊಮ್ಮೆ ಸದಸ್ಯರಾಗಬಹುದು.
ಹೊಸ ಸದಸ್ಯತ್ವವನ್ನು ಪಡೆಯುವವರು ಪ್ರತಿ ತಿಂಗಳು 10ನೇ ತಾರೀಖಿನ ಒಳಗಾಗಿ ಮೊದಲನೆ ಕಂತಿನ ಹಣದೊಂದಿಗೆ ಅರ್ಜಿ ಸಲ್ಲಿಸಬೇಕು.
ಒಬ್ಬರ ಹೆಸರಲ್ಲಿ ಒಂದೇ ಖಾತೆ
ಒಂದು ಕುಟುಂಬಕ್ಕೆ ಒಂದೇ ಖಾತೆ

ಠೇವಣಿ (DEPOSIT)

ನಮ್ಮ ಸಹಕಾರಿಯಲ್ಲಿ ವಿವಿಧ ಬಗೆಯ ಠೇವಣಿಯನ್ನು ಇರಿಸಿಕೊಳ್ಳಲಾಗುತ್ತದೆ.

ಖಾಯಂ ಠೇವಣಿ
ಆರ್ವತಕ ಠೇವಣಿ
ಉಳಿತಾಯ ಠೇವಣಿ

ಕ್ರ.ಸಂ	ಅವದಿ	ಶೇ %
1	15 ದಿನದಿಂದ 90 ದಿವಸದವರೆಗೆ	6.00 %
2	91 ದಿನದಿಂದ 180 ದಿವಸದವರೆಗೆ	7.00 %
3	180 ದಿನದಿಂದ 2 ವರ್ಷಗಳವರೆಗೆ	8.00 %
4	2 ವರ್ಷದಿಂದ 3 ವರ್ಷಗಳವೆಗೆ	8.50 %
5	3 ವರ್ಷಗಳ ಮೇಲ್ಪಟ್ಟು	9.50 %
6	ಆವರ್ತಕ ಠೇವಣಿ – 36 ತಿಂಗಳಿಗೆ	9.50 %
7	ಉಳಿತಾಯ ಠೇವಣಿ	4.00 %